Ngakube ngesani isihluku esingaka na?
Uphi unembeza,
Luphi uzwelo na?
Imizi yamadoda uyivale ngehlahla ngci.
Uqale ngenhloko yomuzi
Weza ngomama womuzi
Zasala izintandane zingondingasithebeni
Kawugcinanga lapho
Ubuyile isibili wazobibila
Indodana nendondakazi
Maqede lavalwa ikhaya thanqa
Namanje ngisabuza
Uphi unembeza?
Luphi uzwelo na?
Ubabhuqabhuqe ngabezwa
Sebekusho ngezibongobongo
Bakubize umashayabhuqe
Bakubiza uMashayashatshule
Namanye amaningi amabizobizo
Kepha phinde mina ngikuthophe
Kunalokho ngiyohlala ngilila ngawe
Ngiyohlala ngibuza,
Uphi unembeza ?
Luphi uzwelo na?
Noma sesilile kangaka kawudeli?
Bongeka Thembani
Mayville Sec School
No comments:
Post a Comment