Ngiyamazi uNosipho
Hleze wena umuzwa ngendaba
Hleze wena umaze izolo
Mina ngimazi eselusana
Yebo ngisho esakhasela eziko
Mina ngimazi sisakhula naye
Eqala isikole
Edume sonke isikole,
Ngenhlonipho nenhlanzeko.
Wakhula waba yimbali
Waqhakaza baziqhenya abazali.
Myeke ngoba eseluthwethwesana
Wayengumgqomo wentombi,
enyathela ngabantwana.
Myeke ngoba esezihlisa,
wayenezihlathi ezigcwele phama.
Myeke ngoba sekwaba zigobhe,
Wayenezimbulunga zamehlo.
Wayeqhamuka kuqhele izinsizwa.
Ziqhaqhazele ubala.
Phela kwakungebuhle abushayisa ngovalo.
Ngomzuzwana nje ,ethi uyazijabulisa
Wabe esemzuza umashayabhuqe .
Wambhuqa wamenza nje.
Njengoba usumbona nje.
Wayengenje uNosipho
Written by :
Sihle Siyabonga Ngidi
No comments:
Post a Comment