Ngivumele sthandwa.

(This poem was once published in ILANGA LANGESONTO)

Ngingeligagu kepha ngikugagule
Ngingeliciko kodwa ngicikoze ngawe
Ngingaqgamile hleze ngiqgame ngawe.
Angiyena uNontandakubukwa kepha,
uma ngibukwa ngawe ngiyothokoza.


Kulobusuku belele ngingalele
Bethokoza ngingathokozile
Behlokoma ngingehlokome ungekho wena
Othokozisa nowenelisa owami umphefumulo.

Ngivumele sthandwa sami , ngivumele
Kulelikhasi eliphambi kwami,
Ngeneke eyami imizwa
Ngekhono lami engelambulelwa asebedlula
Maqede ngiliphanyeke obondweni
Ze izwe lonke lizikholise ngobungako bezifiso
Zami ngawe .Bancinde bancincize kuloludengezi
Bancincize bengekholwe
Uthando lweqiniso enginalo ngawe .

Kunganani ngisho ngengila
Maqede kunanele izihosha
Hleze nawe kulokhu wenanele
maqede ipheleliswe eyami impilo
ngoba sewunami nami senginawe
Sesimunye ,ngakho ngivumele.